MeraForum Community.No 1 Pakistani Forum Community

ﺍﺗﻨﮯ ﺳﺎﻟﻮﮞ ﻣﯿﮟ ﺟﺐ ﺑﮭﯽ ﯾﮩﺎﮞ ﺁﯾﺎ ، ﺗﻤﮩﺎﺭﮮ ﻟﯿﮯ ﺑﮭﯽ ﻋﻤﺮﮦ ﮐﯿﺎ ﺗﮭﺎ ﻣﯿﮟ ﻧﮯ
ﻭﮦ ﺑﮍﮮ ﺳﺎﺩﮦ ﻟﮩﺠﮯ ﻣﯿﮟ ﺍﻣﺎﻣﮧ ﮐﻮ ﺑﺘﺎﺭﮨﺎ ﺗﮭﺎ۔ﺍﺳﮯ ﺭﻻ ﺭﮨﺎ ﺗﮭﺎ
" ﺗﻤﮩﺎﺭﯼ ﻃﺮﻑ ﺳﮯ ﮨﺮ ﺳﺎﻝ ﻋﯿﺪ ﭘﺮ ﻗﺮﺑﺎﻧﯽ ﺑﮭﯽ ﮐﺮﺗﺎ ﺭﮨﺎ ﮨﻮﮞ ﻣﯿﮟ۔ "
" ﮐﯿﻮﮞ؟ " ﺍﻣﺎﻣﮧ ﻧﮯ ﺑﮭﺮﺍﺋﯽ ﮨﻮﺋﯽ ﺁﻭﺍﺯ ﻣﯿﮟ ﺍﺱ ﺳﮯ ﭘﻮﭼﮭﺎ ﺗﮭﺎ۔
" ﺗﻢ ﻣﻨﮑﻮﺣﮧ ﺗﮭﯿﮟ ﻣﯿﺮﯼ۔۔۔۔۔ﺩﻭﺭ ﺗﮭﯿﮟ ، ﻟﯿﮑﻦ ﻣﯿﺮﯼ ﺯﻧﺪﮔﯽ ﮐﺎ ﺣﺼﮧ ﺗﮭﯿﮟ۔ "
ﻭﮦ ﺭﻭﺗﯽ ﮔﺌﯽ ﺗﮭﯽ۔ﺍﺱ ﮐﮯ ﻟﯿﮯ ﺳﺐ ﮐﭽﮫ ﺍﺳﯽ ﺷﺨﺺ ﻧﮯ ﮐﺮﻧﺎ ﺗﮭﺎ ﮐﯿﺎ؟
ﺍﺳﮯ ﺳﺎﻻﺭ ﮐﮯ ﺣﺎﻓﻆ ﻗﺮﺁﻥ ﮨﻮﻧﮯ ﮐﺎ ﭘﺘﺎ ﺑﮭﯽ ﺍﺱ ﻭﻗﺖ ﭼﻼ ﺗﮭﺎ ، ﻭﮦ ﺟﻼﻝ ﮐﯽ ﻧﻌﺖ ﺳﻦ ﮐﺮ ﻣﺴﺤﻮﺭ ﮨﻮﺟﺎﺗﯽ ﺗﮭﯽ ﺍﻭﺭ ﺍﺏ ﻭﮨﺎﮞ ﺣﺮﻡ ﻣﯿﮟ ﺳﺎﻻﺭ ﮐﯽ ﺗﻼﻭﺕ ﺳﻦ ﮐﺮ ﮔﻨﮓ ﺗﮭﯽ۔
" ﺍﯾﺴﯽ ﻗﺮﺍﺕ ﮐﮩﺎﮞ ﺳﮯ ﺳﯿﮑﮭﯽ ﺗﻢ ﻧﮯ؟ " ﻭﮦ ﭘﻮﭼﮭﮯ ﺑﻐﯿﺮ ﻧﮩﯿﮟ ﺭﮦ ﺳﮑﯽ ﺗﮭﯽ۔
" ﺟﺐ ﻗﺮﺁﻥ ﭘﺎﮎ ﺣﻔﻆ ﮐﯿﺎ ﺗﺐ۔۔۔۔ﺍﺏ ﺗﻮ ﭘﺮﺍﻧﯽ ﺑﺎﺕ ﮨﻮﮔﺌﯽ ﮨﮯ۔ " ﺍﺱ ﻧﮯ ﺑﮍﮮ ﺳﺎﺩﮦ ﻟﮩﺠﮯ ﻣﯿﮟ ﮐﮩﺎ۔
ﺍﻣﺎﻣﮧ ﮐﻮ ﭼﻨﺪ ﻟﻤﺤﻮﮞ ﮐﮯ ﻟﯿﮯ ﺟﯿﺴﮯ ﺍﭘﻨﮯ ﮐﺎﻧﻮﮞ ﭘﺮ ﯾﻘﯿﻦ ﻧﮩﯿﮟ ﺁﯾﺎ۔
" ﺗﻢ ﻧﮯ ﻗﺮﺁﻥ ﭘﺎﮎ ﺣﻔﻆ ﮐﯿﺎ ﮨﻮﺍ ﮨﮯ؟ﮈﺍﮐﭩﺮ ﺻﺎﺣﺐ ﻧﮯ ﮐﺒﮭﯽ ﻧﮩﯿﮟ ﺑﺘﺎﯾﺎ۔ " ﻭﮦ ﺷﺎﮐﮉ ﺗﮭﯽ۔
" ﺗﻢ ﻧﮯ ﺑﮭﯽ ﮐﺒﮭﯽ ﻧﮩﯿﮟ ﺑﺘﺎﯾﺎ ﺍﺗﻨﮯ ﻣﮩﯿﻨﻮﮞ ﻣﯿﮟ۔ "
" ﭘﺘﺎ ﻧﮩﯿﮟ ﮐﺒﮭﯽ ﺧﯿﺎﻝ ﻧﮩﯿﮟ ﺁﯾﺎ۔۔۔۔ﮈﺍﮐﭩﺮ ﺻﺎﺣﺐ ﮐﮯ ﭘﺎﺱ ﺁﻧﮯ ﻭﺍﻟﮯ ﺯﯾﺎﺩﮦ ﺗﺮ ﻟﻮﮒ ﺣﻔﺎﻅ ﮨﯽ ﮨﯿﮟ۔ﻣﯿﺮﺍ ﺣﺎﻓﻆ ﻗﺮﺁﻥ ﮨﻮﻧﺎ ﺍﻥ ﮐﮯ ﻟﯿﮯ ﺍﻧﻮﮐﮭﯽ ﺑﺎﺕ ﻧﮩﯿﮟ ﮨﻮﮔﯽ۔ " ﻭﮦ ﮐﮩﮧ ﺭﮨﺎ ﺗﮭﺎ۔
" ﺗﻢ ﺍﺗﻨﺎ ﺣﯿﺮﺍﻥ ﮐﯿﻮﮞ ﮨﻮﺭﮨﯽ ﮨﻮ؟ "
ﺁﻧﺴﻮﻭٔﮞ ﮐﺎ ﺍﯾﮏ ﺭﯾﻼ ﺁﯾﺎ ﺗﮭﺎ ﺍﻣﺎﻣﮧ ﮐﯽ ﺁﻧﮑﮭﻮﮞ ﻣﯿﮟ۔ﺟﻼﻝ ﮐﻮ ﭘﯿﮉﺳﭩﻞ ﭘﺮ ﺑﭩﮭﺎﺋﮯ ﺭﮐﮭﻨﮯ ﮐﯽ ﺍﯾﮏ ﻭﺟﮧ ﺍﺱ ﮐﺎ ﺣﺎﻓﻆ ﻗﺮﺁﻥ ﮨﻮﻧﺎ ﺑﮭﯽ ﺗﮭﺎ۔۔۔۔ﺍﻭﺭ ﺁﺝ ﻭﮦ ﺟﺲ ﮐﯽ ﺑﯿﻮﯼ ﺗﮭﯽ ، ﺣﺎﻓﻆ ﻗﺮﺁﻥ ﻭﮦ ﺑﮭﯽ ﺗﮭﺎ۔۔۔ﺑﮩﺖ ﺳﯽ ﻧﻌﻤﺘﯿﮟ ﭘﺘﺎ ﻧﮩﯿﮟ ﺍﻟﻠﮧ ﮐﺲ ﻧﯿﮑﯽ ﮐﮯ ﻋﻮﺽ ﻋﻄﺎ ﮐﺮﺗﺎ ﮨﮯ ، ﺳﻤﺠﮫ ﻣﯿﮟ ﻧﮩﯿﮟ ﺁﺗﺎ۔ ﻭﮦ ﺩﻟﻮﮞ ﻣﯿﮟ ﮐﯿﺴﮯ ﺭﮨﺘﺎ ﮨﮯ۔ﻭﮦ ﺳﻨﺘﯽ ﺁﺋﯽ ﺗﮭﯽ ، ﻭﮦ ﺩﻟﻮﮞ ﮐﻮ ﮐﯿﺴﮯ ﺑﻮﺟﮫ ﻟﯿﺘﺎ ﮨﮯ ، ﻭﮦ ﺩﯾﮑﮫ ﺭﮨﯽ ﺗﮭﯽ۔۔۔۔۔ﺑﺲ ﺳﺐ ﮐﭽﮫ " ﮐﻦ " ﺗﮭﺎ ﺍﻟﻠﮧ ﮐﮯ ﻟﯿﮯ۔۔۔۔ﺑﺲ ﺍﯾﺴﮯ۔۔۔۔ﺍﺗﻨﺎ ﮨﯽ ﺳﮩﻞ۔۔۔ﺁﺳﺎﻥ۔۔۔ﭘﻞﮎ ﺟﮭﭙﮑﻨﮯ ﺳﮯ ﭘﮩﻠﮯ۔۔۔۔ﺳﺎﻧﺲ ﺁﻧﮯ ﺳﮯ ﭘﮩﻠﮯ۔۔۔
ﺍﻟﻠﮧ ﺳﺎﻣﻨﮯ ﮨﻮﺗﺎ ﺗﻮ ﻭﮦ ﺍﺱ ﮐﮯ ﻗﺪﻣﻮﮞ ﻣﯿﮟ ﮔﺮ ﮐﺮ ﺭﻭﺗﯽ۔۔۔۔ﺑﮩﺖ ﮐﭽﮫ " ﻣﺎﻧﮕﺎ " ﺗﮭﺎ ﭘﺮ ﯾﮧ ﺗﻮ ﺻﺮﻑ " ﭼﺎﮨﺎ " ﺗﮭﺎ۔
ﻭﮦ ﺍﺗﻨﺎ ﮐﭽﮫ ﺩﮮ ﺭﮨﺎ ﺗﮭﺎ۔ﺍﺱ ﮐﺎ ﺩﻝ ﭼﺎﮨﺎ ﺗﮭﺎ ، ﻭﮦ ﺍﯾﮏ ﺑﺎﺭ ﭘﮭﺮ ﺑﮭﺎﮒ ﮐﺮ ﺣﺮﻡ ﻣﯿﮟ ﭼﻠﯽ ﺟﺎﺋﮯ ﺟﮩﺎﮞ ﺳﮯ ﮐﭽﮫ ﺩﯾﺮ ﭘﮩﻠﮯ ﺁﺋﯽ ﺗﮭﯽ۔
" ﺭﻭ ﮐﯿﻮﮞ ﺭﮨﯽ ﮨﻮ؟ "
ﻭﮦ ﺍﺱ ﮐﮯ ﺁﻧﺴﻮﻭٔﮞ ﮐﯽ ﻭﺟﮧ ﻧﮩﯿﮟ ﺟﺎﻥ ﭘﺎﯾﺎ۔ﻭﮦ ﺭﻭﺗﮯ ﺭﻭﺗﮯ ﮨﻨﺴﯽ۔
" ﺑﮩﺖ ﺧﻮﺵ ﮨﻮﮞ ﺍﺱ ﻟﯿﮯ۔۔۔۔۔ﺗﻤﮩﺎﺭﯼ ﺍﺣﺴﺎﻥ ﻣﻨﺪ ﮨﻮﮞ ﺍﺱ ﻟﯿﮯ۔۔۔۔۔ﻧﻌﻤﺘﻮﮞ ﮐﺎ ﺷﮑﺮ ﺍﺩﺍ ﻧﮩﯿﮟ ﮐﺮﭘﺎﺭﮨﯽ ﺍﺱ ﻟﯿﮯ۔۔۔ " ﻭﮦ ﺭﻭﺗﯽ ، ﮨﻨﺴﺘﯽ ﺍﻭﺭ ﮐﮩﺘﯽ ﺟﺎﺭﮨﯽ ﺗﮭﯽ۔
" ﺑﮯ ﻭﻗﻮﻑ ﮨﻮ ، ﺍﺱ ﻟﯿﮯ۔ " ﺳﺎﻻﺭ ﻧﮯ ﺟﯿﺴﮯ ﺧﻼﺻﮧ ﮐﯿﺎ۔
" ﮨﺎﮞ ﻭﮦ ﺑﮭﯽ ﮨﻮﮞ۔ "
( ﻋﻤﯿﺮﮦ ﺍﺣﻤﺪ ﺻﺎﺣﺒﮧ ﮐﮯ ﻧﺎﻭﻝ " ﺁﺏ ﺣﯿﺎﺕ " ﺳﮯ ﺍﻧﺘﺨﺎﺏ