|
|
Posts: 7,688
Country:
Join Date: Jul 2010
Location: PAKISTAN
Gender:
|
|
میرا تن من پھوک جلایا اے
آ ماہی میرے رمزاں والے
تیرے ہجر نے آن ستایا اے
بال چواتی تیرے عشقَ انوکھے
میرا تن من پھوک جلایا اے
بے خود ستیاں میں بابل ویہڑے
مینوں سفنے آن جگایا اے
زلف کماناں تے تیر نیناں دا
میرے وچ جگر دے لایا اے
ڈھونڈ پھری وچ بیلے کاہی
میں تاں کملی نام سدایا اے
روز اضل دا ساک اساڈا
ایویں کھیڑیاں شور مچایا اے
چھڈ سئیاں مینوں مڑ گھر گئیاں
اناں خاوند لے گل لایا اے
کر کر ناز نیاز ہزاراں
میں نال تیرے نہں لایا اے
میراں شاہ کی دوش کسے نوں
اساں جو لکھیا بھر پایا اے
Last edited by PRINCE SHAAN; 08-25-2016 at 09:16 AM..
|