MeraForum Community.No 1 Pakistani Forum Community - View Single Post - اسلامی طرز معاشرت اور انسانی زندگی پر اس ک
View Single Post
(#1)
Old
life life is offline
 


Posts: 32,565
My Photos: ()
Country:
Star Sign:
Join Date: Aug 2008
Gender: Female
Default اسلامی طرز معاشرت اور انسانی زندگی پر اس ک - >>   Show Printable Version  Show Printable Version   Email this Page  Email this Page   08-09-2012, 02:20 AM

اسلامی طرز معاشرت اور انسانی زندگی پر اس کے اثرات،
بسم اللہ الرحمٰن الرحیم

السلام علیکم ورحمہ اللہ وبرکاتہ۔۔۔وبعد!۔
اسلامی طرز معاشرت اور انسانی زندگی پر اس کے اثرات، حقوق وفرائض کا اسلامی فلسفہ معاشرے میں امن وامان، انصاف اور مساوات کے قیام کا حقیقی ضامن ہے۔۔۔ اسی لئے اللہ وحدہ لاشریک نے تخلیق کائنات کے بعد کائنات میں اپنا رنگ بھرنے کے لئے آدم وحوا کو پیدا کیا۔۔۔ جن کے ذریعے اللہ وحدہ لاشریک نے انسانی معاشرت سے دنیا کو رونق بخشی اور باعث تخلیق کائنات، محسن انسانیت اپنے نبی صلی اللہ علیہ وسلم کے ذریعے انسانی معاشرے میں تہذیب وتربیت کے لئے اور اس لئے کے دنیا خوشی مسرت اور سکون واطمعنان کا گہوارہ بنی رہے اور انسانی زندگی جملہ امور احکامات الٰہی کے مطابق انجام پاتے رہیں، انسان کو قرآن مجید کی شکل میں ایک ضابطہ حیات عطاء فرمایا، جس میں انسان کے لئے معاشرتی زندگی گزارنے کے بہترین اُصول بیان کئے گئے ہیں تاکہ انسان جو خیروشر کا مجموعہ ہے بالکل پایہ انسانیت سے گرہی نہ جائے بلکہ اس طرح زندگی گزارے کہ اس کی ذات اپنے ہم جنسوں کے لئے باعث خیروبرکت ہو، باعث شر نہ ہو۔۔۔

اللہ وحدہ لاشریک کا فرمان ہے کہ!۔
إِنَّا أَنزَلْنَا إِلَيْكَ الْكِتَابَ بِالْحَقِّ لِتَحْكُمَ بَيْنَ النَّاسِ بِمَا أَرَاكَ اللّهُ وَلاَ تَكُن لِّلْخَآئِنِينَ خَصِيمًا
(اے پیغمبر) ہم نے تم پر سچی کتاب نازل کی ہے تاکہ اللہ کی ہدایت کے مطابق لوگوں کے مقدمات میں فیصلہ کرو اور (دیکھو) دغابازوں کی حمایت میں کبھی بحث نہ کرنا (النساء)۔۔۔

انسان مدنی الطبع ہے، وہ معاشرے میں زندہ رہنے کے لئے اپنے ہم جنسوں کا محتاج ہے اس لئے ایک دوسرے کے ساتھ تعاون کرنے اور ایک دوسرے کا مفاد خیال رکھنے کا پابند ہے۔۔۔ کیونکہ انسانی میل جول سے بہت سے معاملات پیدا ہوتے ہیں جو عام معاشرتی زندگی پر اثر انداز ہوتے ہیں اس لئے منشائے ایزدی یہ ہے کہ روز مرہ کے معاملات حُسن وخوبی کے ساتھ نمٹائے جائیں اور معاشرتی عمل میں مثبت عمل میں مثبت رویئے اختیار کئے جائیں یہ ہی وجہ ہے کہ اللہ تعالٰی نے حقوق اللہ کے ساتھ ساتھ حقوق العباد پر بڑا زور دیا ہے یعنی اللہ تعالٰی کی فرماں برداری کے ساتھ اس کے بندوں کے حقوق کی ادائیگی ایک بڑی عبادت قرار پائی قرآن حکیم واشگاف الفاظ میں اعلان کرتا ہے۔۔۔

اللہ وحدہ لاشریک کا فرمان ہے کہ~۔
إِنَّ اللّهَ يَأْمُرُ بِالْعَدْلِ وَالإِحْسَانِ وَإِيتَاء ذِي الْقُرْبَى وَيَنْهَى عَنِ الْفَحْشَاء وَالْمُنكَرِ وَالْبَغْيِ يَعِظُكُمْ لَعَلَّكُمْ تَذَكَّرُونَ
اللہ تم کو انصاف اور احسان کرنے اور رشتہ داروں کو (خرچ سے مدد) دینے کا حکم دیتا ہے۔ اور بےحیائی اور نامعقول کاموں سے اور سرکشی سے منع کرتا ہے (اور) تمہیں نصیحت کرتا ہے تاکہ تم یاد رکھو (النحل)۔۔۔

 

Reply With Quote Share on facebook
Sponsored Links