[waheed ahmed]

Tum aaye ho na shab-E-intezaar guzrii hai
Talaash meN hai sehar baar baar guzrii hai

JunuuN meN jitni bhi guzri bakaar guzarii hai
Agar che dil pe kharaabii hazaar guzrii hai

Huii hai hazrat-E-naaseh se guftaguu jis shab
Wo shab zaruur sar-E-kuu-E-yaar guzrii hai

Woh baat saare fasaane meN jiskaa zikr na thaa
Woh baat unko bahut naa-gavaar guzrii hai

Na gul khile haiN, na un se mile, na mai pi hai
Ajeeb rang meN ab ke bahaar guzrii hai

Chaman meN Ghairat-E-gulchiN pe jane kya guzri
Qafas se aaj sabaa be – Qaraar guzrii hai

faiz ahmed faiz



http://www.youtube.com/watch?v=n5CnhAFOpCs

 

---

Last edited by waheed ahmed; 02-07-2015 at 10:55 PM..