[Owi]

-:||:- Teri Saanson Mein Gulaabon Si Mehak Lagti Hai -:||:-

Teri saanson mein gulaabon si mehak lagti hai
Husun jis rung mein ho teri jhalak lagti hai

Shaam hotay hi nigaahon mein uter aatay ho
Dil ki dherkan teray pairon ki dhamak lagti hai

Is liye phool main collar mein saja layta hoon
Is ki khushboo teray aanchal ki mehak lagti hai

Kisi baarish k barastay hi jo ghar aati hai
Teri aankhon mein wo rungon ki dhanak lagti hai

Is hi liye to main chaand k husun ka garweedah hoon
Is k paikar mein teri aankhon ki chamak lagti hai

Jaanay kiun wo meri aankhon ko bhala lagta hai
Jis k chehray pay zara teri jhalak lagti hai.

 

---

•||•––––•||•––•Owi•––•||•––––•||•

[Owi]

-:||:- Aik Lamha Hoon Muqaddas Jo Sambhaalay Mujh Ko -:||:-

Aik lamha hoon muqaddas jo sambhaalay mujh ko
Raahat-e-jaan hoon ager kal pay na taalay mujh ko

Main is k saath sada raah takoon ga teri
Apnay ghar ki jo tu dehleez bana lay mujh ko

Ghum say tu jab bhi ho naa-shaad tujhay raahat doon
Koi aisa hi haseen khuwaab bana lay mujh ko

Apni baanhon k sahaaray ki zamaanat day ker
Derd ki qaid say meri jaan churaa lay mujh ko

Baarhaa teray haseen paaoon ko choona chaahoon
Apnay kamray ka to qaaleen bana lay mujh ko

Rung-e-gul hoon to teray honton ki muskaan banoon
Gar hoon main phool to jooray mein saja lay mujh ko.

 

---

•||•––––•||•––•Owi•––•||•––––•||•

---

Last edited by Owi; 08-22-2011 at 02:50 PM..

[Owi]

-:||:- Teri Khaatir Jo Rota Hoon To Ye Meri Mohabbat Hai -:||:-

Teri khaatir jo rota hoon to ye meri mohabbat hai
Jo mouti roll dayta hoon to ye meri mohabbat hai

Tumhaari yaad ki kirnon ko akser aankh mein rakh ker
Main apni neend khota hoon to ye meri mohabbat hai

Hawa ehsaas khushboo chaandni ko dekh ker akser
Teray dhokay mein rehta hoon to ye meri mohabbat hai

Falak pay chaand taaron k haseen jhurmat k manzer mein
Teray chehray ko takta hoon to ye meri mohabbat hai

Main apni zindagi k saaray jazbon ko meri jaana
Tumhaaray naam kerta hoon to ye meri mohabbat hai

Kabhi tu dekh lay aa ker k is raah-e-mohabbat mein
Main khud say khud hi lerta hoon to ye meri mohabbat hai.

 

---

•||•––––•||•––•Owi•––•||•––––•||•

---

Last edited by Owi; 08-22-2011 at 02:51 PM..

[Owi]

-:||:- Tumhaari Yaad Ki Koyal Ka Jab Lehja Mehakta Hai -:||:-

Tumhaari yaad ki koyal ka jab lehja mehakta hai
To phir shaakh-e-dil-e-weeraan per ghuncha mehakta hai

Kaha tha aik din tum nay, tumhein mujh say mohabbat hai
Samaa’at mein us hi din say yehi jumla mehakta hai

Jahaan pay saath rehnay k kiye thay wada-o-paymaan
Suna hai aaj bhi us pair ka saaya mehakta hai

Inhi raston say meri jaan-e-jaan tum aaj guzri ho
Tabhi to sheher ka meray her ik rasta mehakta hai

Main tujh ko khayaalon mein basa ker jab ghazal likhoon
Dimaagh-o-dil mehakta hai, her ik misraa mehakta hai.

 

---

•||•––––•||•––•Owi•––•||•––––•||•

---

Last edited by Owi; 08-22-2011 at 02:51 PM..

[Owi]

-:||:- Main Sochta hoon K Tum Say Keh Doon -:||:-

Main sochta hoon k tum say keh doon
Tum hi ho jaana qaraar dil ka
Tum hi ho chaahat tum hi mohabbat
Tum hi ho mosam bahaar dil ka
Main sochta hoon k tum say keh doon
K phool kaliyaan
Mehakti khushboo
Gulon pay bhanwray
Khushi k naghmay
Bahaar mosam k rung saaray
Hein sab tumhaaray hi sung saaray

Main sochta hoon k tum say keh doon
Tum hi ho aankhon ka pehla sapna
Tum hi ho dil ki pehli chaahat
Ye saansein ab hein teri amaanat
Ye dil ki dherkan teri badolat
Ye sochoon laykin main keh na paaoon
Jo tum kaho to aaj keh doon
Jo sochta hoon, wo sab main keh doon ? ? ?

 

---

•||•––––•||•––•Owi•––•||•––––•||•

---

Last edited by Owi; 08-22-2011 at 02:52 PM..

[AFghani_Laila]

Wowwwwwwwww Zabardastttt Ashaars

 

---

[SIGPIC][/SIGPIC]

[ROSE]

beautiful shairing
thanks

 

---

Kabhi zindagi me kisik liay mut rona**
q k vo''tumhare ansoun k kabil nahi ho ga''
or ''vo'' jo is ''kabil'' ho ga vo tumhe ''rone'' nahi de ga''*****

[AYAZ]

Buhaat unda collection hai . Good keep it up

 

---

ALLAH FARMATA HAI :
AEY BANDEY JO HUA
WO ACHA HUA .
JO HORAHA HAI ACHA HO RAHA HAI.
JO HOGA WO BHI ACHA HOGA.
TERA KIYA GAIYA JO TU ROTA HAI
TU KIA LAYA JO TU NE KHO DIYA.
JO LIYA YAHIN (DUNYA) SEI LIYA
JO DIYA YAHIN (DUNYA) PE DIYA
JO AAJ TERA HAI PEHLAY KISI AUR KA THA
AUR KAL KISI AUR KA HOGA.
TABDEELI KAINAAT KA MAMOOL HAI
BAS TU WO JAMA KAR JO TU SATH LEI KAR JANEY WALA HAI
YANI NAIK AMAAL.

[~Pr!nCe$s UrOoJ~]

wowwwwww zabardast

 

---

I Dont Need A Lot Of People Who Are Ready To Cry When !D!e ..
!Need Just One Person Who Is Ready To D!e When i Cry..!!!

[!~*SOoLi]

جزبات سے بھرپور ایک اور شاندار تھریڈ۔۔ دوبارہ اس طرح کی کاوش دوہرایے۔۔ چاہ ہے دیکھنے کی، بہت شکریہ

 

---

Chal Fiqr Noo Goli Maar Yaar Hain Din Jindri Day Chaar!