[Rania]

آنکھیں رنگ و روپ کا آئینہ
عورت کی آنکھیں اس کے روپ کا آئینہ ہوتی ہیں۔ ان آنکھوں کا اپنا روپ رنگ اور بناوٹ ہوتی ہے‘ کسی کی آنکھیں بڑی ہوتی ہیں تو کسی کی چھوٹی۔ آج کے دور میں میک اپ کے فن نے اس قدر ترقی کرلی ہے کہ انہیں اپنی مرضی کے روپ میں ڈھالا جاسکتا ہے۔
یہاں ہم آنکھوں کے میک اپ کے حوالے سے چند کارآمد باتیں پیش کررہے ہیں۔


چھوٹی آنکھوں کو بڑا روپ دینے کے لیے
پلکوں کے اوپری کناروں سے گریز لائن تک پیلا آئی شیڈ لگائیں۔ کریز پر گہرا گرے رنگ استعمال کریں‘ اس کے بعد پیلا رنگ کریز سے لے کر بھنوئوں کی ہڈیوں تک دوبارہ لگائیں۔ پتلیوں کی سمت ترچھا لے کر بھنوئوں کو باہری کنارے تک لائیں‘ کریز لائن کو بلینڈ کریں‘ اس حد تک کہ وہ ہائی لائن سے گھل مل جائے‘ اس کے بعد ڈارک گرے سے پلکوں پر لائن لگائیں اگر آپ سفید رنگ استعمال نہیں کررہیں تو اندرونی رم کلر استعمال نہ کریں‘ مسکارا زیادہ استعمال کریں۔


لٹکی ہوئی اوپری پلکوں کو کیسے درست کریں
اوپری لٹکی ہوئی پلکوں کو درست کرنے کے لیے کرین لائن میں گہرا رنگ استعمال کریں۔ اس گہرے رنگ کو بھنوئوں کی ہڈیوں تک لے جائیں۔ گہرا رنگ پلکوں کو سکیڑتا ہے‘ ہلکا رنگ پلکوں کو کھولتا ہے‘ مسکارا زیادہ استعمال کریں‘ باہری کناروں پر چند مصنوعی پلکیں بھی لگائی جاسکتی ہیں۔

پلکوں کے جھکے ہوئے کناروں کے لیے
پلکوں کے جھکے ہوئے کناروں کو درست کرنے کے لیے آئی شیڈ اور ہائی لائنر کا استعمال باہر ی کناروں کے پاس روک دیں‘ پلکوں کے نچلے حصے کو گہرے رنگ کی کوپل پینسل سے لائن کرتے ہوئے اوپری باہری کنارے تک لگائیں۔ پتلیوں کے اوپری حصے پر مسکارا زیادہ لگائیں۔

گول آنکھوں کو لمبی شکل دینے کے لیے
گول آنکھوں کو لمبا‘ بادامی روپ دینے کے لیے ایک شیڈو کو پوری پلکوں پر لگائیں۔ اندرونی پلکوں کے اوپری حصے سے آغاز کرتے ہوئے ترچھی سمت میں اوپر کی طرف بھنوئوں کی ہڈیوں تک شیڈو لگائیں۔ شیڈو کو نچلی پلکوں کے نیچے اور اس کے آس پاس صرف باہری کناروں پر لگائیں۔ مسکارا آنکھوں کے باہری حصے پر استعمال کریں۔

آنکھوں کو کھولنے کے لیے
سب سے پہلے آپ اس بات کا جائزہ لیں کہ آپ کی بھنویں بیچ سے ترچھی تو نہیں ہیں‘ کناروں سے بھنوئوں کے درمیان تک بروبون ہائی لائنر استعمال کریں پھر اپنے آئی شیڈو کو بیس سے بروبون تک لائیں۔ ساتھ ہی ساتھ آنکھوں کے اوپری اور نیچے کے باہری کناروں کی فید رنگ کردیں‘ اوپری نچلی سطح پر اندرونی کناروںسے تہائی حصے پر آئی لائنر لگائیں‘ اوپری اور نچلی پلکوں کے باہر دو تہائی حصے پر زیادہ مسکارا لگائیں۔


سکڑی ہوئی اوپری پلکوں کو چوڑا کرنے کے لیے
اس کے لیے ایک ہی میڈیم کے ٹون آئی شیڈو کو استعمال کرتے ہوئے اسے بروبون کے نزدیک لائیں‘ اسی شیڈو کو نچلی پلکوں کے باہر کے ایک تہائی حصے کو ہائی لائٹ کرنے کے لیے بھی استعمال کیا جاسکتا ہے اور اسی سے اس کی آئوٹ لائن بھی بنائی جاسکتی ہے۔ نیلی پینسل سے نچلی پلکوں کی کوروں کو لائن کرلیا جس سے اوپری پلکوں کے سکڑے ہوئے ہونے پر کسی کا دھیان نہیں جاتا۔ مسکارا استعمال کریں مگرلہر دار مصنوعی پلکیں استعمال کرنے سے گریز کریں۔

بھنوئوں اور پلکوں کی دیکھ بھال
یاد رکھیں کہ پلکوں کے بال بہت نازک ہوتے ہیں اس لیے ان کی دیکھ بھال میں خاص طور پر احتیاط برتنا ضروری ہوتا ہے۔ رات کو میک اپ اتارتے وقت پلکوں کے اردگرد رگڑنا نہیں چاہیے۔ ٹشوپیپر کی مدد سے نچلی پلکوں کو آہستگی سے دباکر میک اپ دو رکیا جاسکتا ہے۔ آنکھیں بند کرکے آئی ریموور ہیڈ سے یہ میک اپ صاف کیا جاسکتا ہے۔
موٹی شکل کی پلکوں کے لیے اور بھنوئوں اور پلکوں کے درمیان جگہ کے لیے مسکارا لگانے سے پہلے لوز پائوڈر استعمال کریں اوپری حصے پر پہلی پرت جڑ سے سرے تک لگائیں۔ دوسری پرت اندرونی حصے سے جڑ تک لگائیں‘ ایک کے بعد دوسری پرت لگانے کے لیے مسکارا سوکھنے کا انتظار کریں۔ نچلے حصے کے لیے ایک ہلکی پرت باہری کناروں پر لگانا کافی ہوگا۔
اگر آپ کی بھنوئوں میں سوکھا پن ہے تو ویسلین یا ہیئر جیل کی مدد سے انہیں نرم کیا جاسکتا ہے۔اگر بھنویں درست ہیں تو انہیں پینسل سے بار بار لائن نہ کریں بلکہ قدرتی روپ دینے کے لیے ہلکے بھورے یا گہرے رنگ کی پینسل استعمال کریں اور اس کے بعد برش کریں۔اگر آپ کی بھنویں آپ کے بالوں کے رنگ سے زیادہ گہرے رنگ کی ہیں تو انہیں ہلکا رنگ دینے کے لیے فیسئیل ہیئر بلیچنگ احتیاط سے استعمال کریں۔

 

---

[Princess Urwa]

Very Nice SharinG Sis

 

---

[SIGPIC][/SIGPIC]

[nehastar1]

beautiful sharing

 

---

[(‘“*JiĢäR*”’)]

Very Nice

 

---

დ∫დ→◄●♥●►↔ǺήĐằŽ~◊Ệ◊~ßάΫǻЙ↔◄●♥●►←დ∫დ