[karwanpak]

اسلام آباد( آن لائن) سانحہ سبزی منڈی سے متعلق پولیس کی تمام ابتدائی رپورٹس مسترد کر دی گئیں۔ تین روز گزرنے کے باوجود وفاقی پولیس کو سبزی منڈی کی تحقیقات میں پسپائی کا سامنا رہا جس کے باعث وفاقی وزیر داخلہ چوہدری نثار علی خان کی ایک روز پہلے سے طے شدہ پریس کانفرنس عین موقع پر ملتوی کر دی گئی۔

اے آئی جی آپریشن سمیت آپریشنل زون کی پولیس سانحہ اسلام آباد کچہری کے بعد سبزی منڈی دھماکے کے واقعہ میں بھی پیشہ ورانہ طور پر ابھی تک ہر لحاظ سے ناکام ثابت ہورہی ہے۔

سبزی منڈی بم دھماکے کو تین روز گزرنے کے باوجود وفاقی پولیس کو ابھی تک واقعہ کی تحقیقات کے حوالے سے کوئی قابل ذکر کامیابی نہیں ہوئی۔

مصدقہ ذرائع کے مطابق سانحہ سبزی منڈی پولیس کے حوالے سے وفاقی پولیس کی جانب سے ابھی تک پیش کی گئیں ابتدائی رپورٹس کو وزارت داخلہ نے مسترد کر دیا ہے اور پولیس کو جلد از جلد اس ضمن میں ٹھوس اقدامات اٹھا کر شفاف تحقیقات کے ذریعے ملوث کرداروں کو بے نقاب کرنے کی ہدایت کی گئی ہے۔

ذرائع نے اس حوالے سے آن لائن کو بتایا ہے کہ وفاقی پولیس کی ناقص کاکردگی اور سبزی منڈی بم دھماکے سے متعلق تحقیقات میں ناکامی کے باعث وفاقی وزیر داخلہ کی جمعہ کی شام پہلے سے طے شدہ پریس کانفرنس بھی عین موقع پر ملتوی کرنی پڑی۔

ذرائع کے مطابق وزیر داخلہ نے اس حوالے سے سخت ناراضگی کا اظہار کیا اور پولیس کو ہدایت کی ہے کہ واقعہ میں ملوث کرداروں کو جلد از جلد بے نقاب کر کے تحقیقات سے قوم کو آگاہ کیا جائے۔

 

---

Pakistan news karwan.no

[Rania]

Thanks for sharing

 

---