[Rania]

کرم آج بالائے بام آگیا ہے
زباں پر محمد کا نام آگیا ہے

درودوں کی بارش ہے کون و مکاں پر
کہ آج انبیاء کا امام آگیا ہے

مجھے مل گئی ہے دو عالم کی شاہی
مرا ان کے منگتوں میں نام آگیا ہے

مرے پاس کچھ بھی نہ تھا روز محشر
نبی کا وسیلہ ہی کام آگیا ہے

مزا جب ہے سرکار محشر میں کہہ دیں
وہ دیکھو ہمارا غلام آگیا ہے

چراغاں ہوا بزم ہستی میں خالد
نگاہوں میں حسن تمام آگیا ہے

 

[Princess Urwa]

very nice

 

[(‘“*JiĢäR*”’)]