|
Iss Qadar Zarf Tou Rakhtey Hain Zamane Waley Zindagi Chhin ke Jeene Ki Duaa Detey Hain !!! |
Ye Hum Bhi Gawara Karte Hain Ye Tum Bhi Gawara Kar Lena Roo Roo K Guzari Hai Hum Ne Tum Hans K Guzara Kar Lena Betabi Haad Se Bhar Jaye Or Neend Na Aeye Ratoon Ko To Doob K Meri Yadon Main Duniya Se Kinara Kar Lena Jis Waqat Janaza Guzre Ga Es Shakhs Ka Tere Koche Se Jazbat Pe Qaboo Kar Lena Khirki Se Nazara Kar Lena .. |
Muhabbat dasht-e-furqat mein bina rakht-e-safar chaltay kisi majzoob ke Dil se nikalta aik noha he muhabbat raaston ke jaal mein bhatka hua raahi kisi ke baam pe thehra hua ik ajnabi chehra muhabbat khuaab bun jaaey to taabeerein nahi miltein muhabbat aik baarish he jo ik ik boond bun ke tun-mun mein jab utarti he sureelay saaz bajtay hain anokhay baab khultay hain muhabbat kerne waley to faseel-e-jaan ko daao per laga ke baat kertay hain woh kaanto ki zameeno pe bhi nangay paaon chaltey hain muhabbat aik sargoshi he kisi funkaar ke haathon se chirta bay-khudi ka raag muhabbat baarishon ke mausam mein yaad ki kaaya muhabbat jaltay-tuptay raaston per phailta saaya muhabbat ik qaza bun ker bhi aati he kai logon ke jeewan mein muhabbat marg-e-gul bhi he muhabbat yaas ki soorat ik aisi piaas ki soorat kabhi jo bujh nahi paati muhabbat ik udaasi he bala ki khaamshi bhi he muhabbat |
Dard ke phool bhi khilte hain bikhar jate hain zakhm kaise bhi hon kuchh roz me bhar jate hain Is dareeche me bhi ab koi nahi aur hum bhi sar jhukaye huye chupchap guzar jate hain Rasta roke khadi hai yahi uljhan kab se koi poochhe to kahen kya ke kidhar jate hain Narm awaz bhali baten mohazzib lehja pehli barish me hi ye rang utar jate hain |
Kisi ke Waaste khud ko Mitana ab nahi mumkin Diya is gham ki aandhi mein jalana ab nahi mumkin Wo Wada jis mein har ik khawab ki Tabeer milti thi Usse yoon baad muddat ke nibhaana ab nahi mumkin Falak ki Wussaton mein khone wale bekhabar panchi Palat ke dekh peyrhon pe thikaana ab nahi mumkin Tumhe Fursal mili kab hum se Dil ka haal sunne ki Chalo Choro yeh afsaana sunaana ab nahi mumkin Kabhi wo Waqt tha jab Hum Dilon pe Raaj karte the Kisi ki Aankh se Neendein churaana ab nahi mumkin Wo Humko bhool bethe hein Badal Rut mein to phir kya Hamaare Waaste un ko bhulaana ab Nahi mumkin Zara ik Nazar to Dekho idher Peron ke Chaalon ko Pohanch ke tere Dar pe,,Khaali jana ab nahi mumkin Hazaaron Lab Dua karte hein jis ke waaste har Pal Ussi ko Munh ke Bal Giraana ab Nahi mumkin... |
Mein Muntazir Hoon main muntazer hoon iss roshni ki iss ujaly ki jo tery tan sa mery tan tak jo tery man sa mery man tak phyel jya mery jism-o-jan main meri ragon tak main utar jya iss roshni ki jise hum tum "MOHABAT" khete hain |
Tashnagi tashnagi hoon aarzu hoon dard ki fariyaad hoon aaik tanhaai ka markaz hoon chraagh-e-yaad hoon mera mallah main khudi tha mera katib main khudi apni har unwaan-e-barbaadi ki main ejaad hoon meri tanhaai thikana hai mera kuch is tarha hoon akela aur gham ki bazam main abaad hoon mujhse na poocho meri nakaamiyoun ka silsila phool daman main liye betha hoon aur nashaad hoon zindagi ik dard hai kia kuch nahi haasil mujhey har khushi se door hoon har chaain se aazaad hoon ... |
ankh ban jati hia sawan ki ghata sham ke baad loat jata hia ager koi khafa sham ke baad woh jo tal jati rahi sir se bala sham ke baad koi to tha jo deta tha dua sham ke baad ahhey bherti hia shab-e-hijir yatimoo ki terhan sard hojati hia her roz hawa sham ke baad . sham se pehley lakh sulaey rakhiey jag uthti hia mohobat ki ana sham ke baad , sham tak qaid raha kertey hia dil ke under dard ho jatey hia sarey hi riha sham ke baad, khuab toot ker lipat jatey hia band ankho se janey kis jurum ki hia kis ko saza sham ke baad, chand jaab roo ke sitaroo se galey milta hia aek ajib rang ki hoti hia fiza sham ke baad, main ager khush bhi rahoon phir bhi mere siney main soogawari to roti hia sada sham ke baad , tum gaey to siyah rang ke kaprey pehney phir ti rehti hia mere gher main qaza sham ke baad , main ne tanhai se poucha miloo gi kaab tak us ne foran hi baicheni se kaha sham ke baad loat ati hia meri shab ki ibadat khali janey kis arsh per rehta hia khuda sham ke baad , ajib muthi main jakrey rakhta hia din mujhey mujhey iss baat ka ahsas howa sham ke baad, koi bhoola howa ghum hia jo musalsal mujh ko dil ke patal se deta hia sada sham ke baad, mar deta hia ujer janey ka dohra ahsas kash koi ho na kisi se juda sham ke baad tu hai suraj tujy kya malom raat ka dukh tu kisi roz mery ghr me utar shaam k baad.. |
khud ko mujhsy juda kiya us ne khud ko mujhsy juda kiya us ny jo na kerna tha, kiya us ny yaad kerny sy b na yaad aon aiesy mujhko bhula dia us ny tum tu bus waqt ki zarorat ho mujhko akhir bta dia us ny apny hathon sy khud he likh kr mujhy jane Q phir mita dia us ny ? |
barason ke baad dekhaa ik shaKhs dil rubaa saa ab zahan mein nahin hai par naam thaa bhalaa saa abaruu khinche khinche se aankhein jhukii jhukii si baatein rukii rukii sii lahajaa thakaa thakaa saa alfaaz the ke jugnuu aavaaz ke safar mein ban jaaye jangaloon mein jis tarah raastaa saa Khvaaboon mein Khvaab us ke yaadoin mein yaad us kii niindoon mein ghul gayaa ho jaise ke rat jagaa saa pahale bhii log aaye kitane hii zindagii mein vo har tarah se lekin auroon se thaa judaa saa agalii muhabbatoon ne vo naa muraadiyaan dien taazaa rafaaqatoon se dil thaa Daraa Daraa saa kuchh ye ke muddatoon se ham bhii nahin thay roye kuchh zahar mein bujhaa thaa ahabaab kaa dilaasaa phir youn huaa ke saavan aankhoon mein aa base the phir youn huaa ke jaise dil bhii thaa aabalaa saa ab sach kahain to yaaro ham ko Khabar nahin thii ban jaayegaa qayaamat ik vaaqiaa zaraa saa tevar the berukhii ke andaaz dostii ke vo ajanabii thaa lekin lagataa thaa aashnaa saa ham dasht the ke dariyaa ham zahar the ke amrit naahaq thaa zoam ham ko jab vo nahin thaa pyaasaa ham ne bhii us ko dekhaa kal shaam ittefaaqan apanaa bhii haal hai ab logo Faraz kaa saa ... |
| All times are GMT +5. The time now is 12:53 PM. |
Powered by vBulletin®
Copyright ©2000 - 2025, Jelsoft Enterprises Ltd.