Jo wazan dayhaan ka hai teray dayhaan mein bhi na tha
Mujhay yaqeen hai teray gumaan mein bhi na tha

Lara hoon jaisay main khud say tamaam umer suno
Ye hosla to kisi pehelwaan mein bhi na tha

Jo derd tum nay diya hai khuda gawaah k wo
Meray to weham mein choro gumaan mein bhi na tha

Mujhay qubool k ujlat pasand tha main bhi
Zara sa saber meray bhaagwaan mein bhi na tha

Main manta hoon k lehja mera karakht raha
Suno k shehed tumhaari zabaan mein bhi na tha

Jinhein zameen pay Owi nahi mila tha khuda
Wo aasmaan gaye aasmaan mein bhi na tha !