MeraForum Community.No 1 Pakistani Forum Community

aankhoN maiN sitaare tu kayee shaam se utre
per dil ki udaasii naa der-o-baam se utre

kuch rang tu utre teri gul perahnii kaa
kuch zang tu aayna-e-ayyaam se utre

hote rahe dil lamha ba lamha teh-o-bala
wo zeena ba zeena baday aaraam se utre

jab tak tere qadmoN maiN fro-kah haiN sabo kash
saaqi khat-e-baadaah na lab-o-jaam se utre

be-tamah nawazish bii nahii sang diloN kii
shayed wo mere ghar bhi kisi kaam se utre

auroN ke qaseeday faqt aawerad thay jaanaaN
ju tujh pe kahe shair woh ilhaam se utre

ay jaan-e-Fraz ay mere her dukh ke maseehaa
her zehr zamane kaa tere naam se utre