MeraForum Community.No 1 Pakistani Forum Community - Phone Aur Computer K Darmiyan Files Share Karein

فون اور کمپیوٹر کے مابین فائلوں کا تبادلہ کریں آسانی کے ساتھ

http://mobopk.com/images/sendanywherecom590x3.jpg

یوں تو اینڈروئیڈ اور آئی فون سے کمپیوٹر میں فائلز منتقل کرنے اور پی سی سے فون پر فائلز بھیجنے کے لیے کئی ایپلی کیشنز موجود ہیں لیکن ہماری کھوج رہتی ہے آسان سے آسان تر کی۔ اس حوالے سے ایک ایپلی کیشن ’’سینڈ اینی ویئر‘‘
(Send anywhere)
بھی موجود ہے۔ اس ایپلی کیشن کا کام کرنے کا طریقہ کار بالکل مختلف ہے۔ دیگر ایپلی کیشنز کی طرح اس میں کسی قسم کا نہ کوئی اکاؤنٹ بنانا پڑتا ہے، نہ دونوں ڈیوائسز کو کمپیوٹر سے کنیکٹ کرنے کی ضرورت پڑتی ہے اور نہ ہی دونوں ڈیوائسز کا ایک ہی وائرلیس نیٹ ورک پر ہونا ضروری ہے۔

یہ ایپلی کیشن ونڈوز کے لیے بھی دستیاب ہے اور کروم براؤزر کے لیے بھی۔ اور اگر آپ اسے انسٹال کرنا نہیں چاہتے تو اسے آن لائن بھی استعمال کر سکتے ہیں۔ بس اس کی ویب سائٹ پر جائیں اور جو چاہیں فائل اپنے دوستوں کو بھیجیں۔ یعنی اگر آپ چاہیں تو کمپیوٹر سے بھی فائلز کسی اینڈروئیڈ یا آئی فون پر بھیج سکتے ہیں۔

ونڈوز، فون ڈیوائسز اور کروم براؤزر میں اس ایپلی کیشن کو انسٹال کرنے کی ضرورت پڑتی ہے۔ جبکہ آن لائن براہِ راست اسے استعمال کیا جا سکتا ہے۔ منتخب کریں کہ آپ کس طرح کی فائل یعنی تصویر، آڈیو یا وڈیو وغیرہ شیئر کرنا چاہتے ہیں۔ مثلاً آپ تصویریں شیئر کر رہے ہیں تو تصویریں منتخب کر کے
Send
کے بٹن پر کلک کر دیں۔ یہ ایپلی کیشن ایک
QR
کوڈ اور ایک
PIN
بنا دے گی۔ اب جس ڈیوائس پر یہ فائلز موصول کرنی ہوں اس پر اس ایپلی کیشن کو کھول کر
Receive
کا آپشن استعمال کرتے ہوئے
PIN
کوڈ ٹائپ کریں، شیئر کی گئی تمام فائلز ڈاؤن لوڈ ہونا شروع ہو جائیں گی۔

بھیجی گئی فائل آن لائن اس کی ویب سائٹ سے موصول کی جا سکتی ہے۔ آپ کے پاس بھیجی گئی فائل کا
pin
موجود ہونا چاہیے۔

وزٹ کیجیے