MeraForum Community.No 1 Pakistani Forum Community

suno jaaNaaN !
Mujhe aadet nahii he
kisi se piar kerne ki
kisi ka intizaar kerne kii
mager ye sawn bhadouN ka
gumshuda mosam na jaane kyouN
merii palkouN ke dareechouN maiN
chupke se Umad aataa he
na jane kon se lamhouN ke khaab
palkouN pe jhilmilane lagte haiN
rat ke pichle pehr
shehr kii sunsan sadkouN pe
maiN tenha kiaa ker raha houN
maiN ab derne laga houN
shehr kii roshniyouN se
maiN ab ghabrane laga houN
in berqi qumqamouN se
ab mujhe khouf aane laga he
ke jese sunsan shehr ke
ye jalte bujhte sign board
ab mera mazaq uraane lage haiN
maiN ab thak chuka houN
pay der pay
kamyabiouN se
ye sare medalz
ab mujhe daan kerne haiN
Mujhe ab shikast chahye.