Jee To Chahta Hai Ke Main Usey Ek Khat Likhon,
Magar Likhoon Kya Agar Main Usey Khat Likhon ?

Koi Batayo Aaj Likhon Ya Kal Likhon ?
Koi Mulaqat Likhon Ya Koi Pal Likhon ?
Mere Shikwe Likhoon Ya Uske Ehsaan Likhon
Khudkushi Likhon Ya Us ke Qurban Likhon
Rangeen Dunia Likhon Ya Qabirstan Likhon
Koi Chaal Likhoon Ya Khuda Ka Farmaan Likhon

Likhon Kya Agar Main Use Khat Likhon?

Wo Waade Likhon Ya Wo Kasmin Likhon
Wo Milne-Milaane Ki Rasmein Likhoon
Un Aankon Ke Wo Sulaghte Tarz Likhon
Ya Is Dil-E-Bimaar Ke Wo Marz Likhon
Tabasum Ke Wo Shola-e-Sherar Likhon
Ya Shararat Ke Wo Haseen Ishare Likhon?

Likhon Kya Agar Main Use Khat Likhon?

Na Khatam Hone Wala Ek Intzaar Likhoon
Ya Naa-Kaam Umeedein Ka Ek Bazaar Likhon
Daag-E-Dil Likhun Ya Gham-e-Judai Likhon
Use Zindagi Likhon Ke Maut Aayi Likhon
Us ki Byrukhi Ya Phir ByNiazi Likhon
Ya Phir Khud Ko Sabr-e-Majazi Likhon

Likhon Kaya Agar Main Use Khat Likhon?

Kabhi Howi Hi Nai Jo Wo Baat Likhon
Kati Hi Nai Jo Sath Us ke Wo Raat Likhon
Uski Judai Mein Jo Guzri Wo Ghariyan Likhon
Ya Namnak Palkon Ki Kuch Ladiyan Likhon
Ghazal, Nazm, Qata, Sher, Rubai Likhon
Ya Main Phir Use Khuda Ki Khudai Likhon