Mehaz Ittefaq se hui baat thi
aajab woh akharii mulakaat thi

Dard mein bhi bada lutf tha
jab talak woh mere sath thi

LamhoN mein guzar gaya diN
Qayamat se bhari ek raat thi

Kayi shagufe rahe uske dil mein
Be-huda si jo meri Khiraat thi

Ruh se jism huye tar tab
ashkon si jo mili barsaat thi

Har soo chayi thi mayoosi jaise
ghamgin us roz kayanaat thi

talashta raha main khami jisme
tanhayi me uthi yaadon ki baraat thi

Na jine kii na marne kii Kwahish
Mohobbat mein mili aisi sougaat thi