Meri hayat-e-rawan ko tamam kar dala
hawa ke aik hi jhonke ne kaam kar dala

mein chal raha tha umangon ke walwale le kar
kisi ki yaad ne jeena haram kar dala

Azeem kaam the mere jawansali mein
mayan-e-rah mein qissa tamam kar dala

chalan k khas zawabit the umr-e-rafta mein
shajar se toot para bylagam kar dala

dabo diya tha ghamon mein dil-e-shikasta ko
khabi jo khas tha us dil ko aam kara dala

Mezaj-e-yaar ki har baat khub hoti ha
dari dari si mulaqat khub hoti ha

Haseen mazi ke lamhat ki jhalak le kar
Tumhare shahr ki sugat khub hoti ha

Suhane khwab ki taaser ko tarasti howi
Chalakti Aankhon ki barsat khub hoti ha

Zara si junbish-e-chilman pe naaz hota ha
Haseen jalwon ki khairat khub hoti ha

Tumhare sath jo guzre wo din buhat ache
Kati jo Aankhon mein wo raat khub hoti ha

So saal bi ab bahar aye ye dil udaas rehe ga
Chand nikle ya chup jaye ye dil udaas rehe ga

Har mor par main muntazer raha us ka
Ab ager wo lout bi aye ye dil udaas rehe ga

Kehne ko ye na mumkin si baat ha
Wo muj pe jaan lotaye ye dil udaas rehe ga

Zulam sahe meri rah se har aik dewar dhaye
Khud meri raahon main bich jaye ye dil udaas rehe ga

Meri sari suchaii ko jhoot samajh kar thukrane wale
Ab shayid tuje yaqeen aye ye dil udaas rehe ga

Khud ko meri tuqdeer tu na mana tu ne
Ab tu mera muqader bi ban jaye ye dil udaas rehe ga

Aankhon mein kahi sapne saja kar roye buhat hain hum
dil ko nayi dunia dikha kar roye buhat hain hum

wo badal gaya tu pher li hum ne bi nazar apni
par us ke khatoon ko jala kar roye buhat hain hum

laut aye tu hain us ki mehfil se bacha kar Anaa apni
par us ki bazm se Aa kar roye buhat hain hum

jise kiya tha roshan tamanaon se hum ne apni
us shamma-e- wafa ko bhuja kar roye buhat ha hum

jin ke saaye mein ki thi hum ne kayi baatin
un baaghon mein tenha ja kar roye buhat hain hum

kis qadar khushi se kiya hum dum ko rukhsat hum ne
magar sab se nazar bacha kar roye buhat ha hum

hosla tootne ka ho tu wafa karna kisi se .
ye baatin logon ko suna kar roye buhat hain hum

phir youn howa ke aankhon ne kayi raat jaage dekha
palkon pe teri yaad bitha kar roye buhat hain hum

wohi aaj muj se mere dard ki waja chahta hain
jis ki baatin ouron ko suna kar roye buhat hain hum

Dil mein dard-e-gham ki qaliyan reh gayin
Ab bakht mein faqt tenhaiyan reh gayin

Khushbu in ki chien k kyunn le geya?
Haath mein jo phol ki pattiyan reh gayin

Aata nai ha khelne koi in k sath
Baagh mein tenha ab yeh titliyan reh gayin

Dil aisa aik shehr abad kia tha mein ne
Weeran tere baad jis ki galiyan reh gayin

Shehr mein apne youn tu afiyat ha
Wo muhabbatin wo chahatin jane kehan reh gayin

Kisi rooz tum ko bi meri buhat yaad aye gi
Mager us din buhat dair ho jaye gi

Tum milna chaho ge mager muj ko dekh na payo ge
Tum dhondo ge muje mager dhond na payo ge

Tum tadpo ge meri yaad main our aanso behayo ge
Muje dekhe bina ik pal bi na reh payo ge

Meri yaad main tum ghum sum ho jayo ge
Khud apni gali ka pata bi bhol jayo ge

Mere tasavur main tum aise kho jayo ge
Koi pukare ga tum meri hi baatin dohrayo ge

Our main door khara teri bychani ko dekhta rahon ga
Our tum kuch pal ke liye muj se khafa ho jayo ge

Our main teri bikhri zulfoon ko sunwaron ga
Our tum sharma kar mere gale se lag jayo ge

Our phir jab tum roth kar kahin door chali jayo gi
Us din me phir tum se yahi baat kahon ga

Kisi roz tum ko bi meri buhat yaad aye gi
Mager us din buhat dair ho jaye gi