Woh larki bhi aik ajeeb paheli thee
Payase hont thay,aankh samander jaisee thee

Oss ko apne saaye say dar legta tha
Soch kay sehra mein woh,tanha hirni thee

Aate jaate mosam oss ko daste thay
Hanste hanste palkon say woh ro perti thee

Aadhi raat ganwa deti thee chup reh ker
Aadhi raat kay chand say baten kerti thee

Mom sa nazuk jism saher ko dukhta tha
Diye jala ker shab bher aap pighalti thee

Sab per zahir kerti thee bhaid apna
Sab say ik tasweer chupaye rakhti thee

Kal shab chakna choor howa tha dil oss ka
Ya phir pehli baar woh khul kay royi thee

Mohsin kya jaane,kiyon dhoop say be perwah
Woh apnay ghar ki dehleez per bethee thee

Originally Posted by "~H.Z~" (Post 374327) zabardast...