MeraForum Community.No 1 Pakistani Forum Community

http://img118.imageshack.us/img118/1...ers3orange.gif
Hum apne ikhtiyar ki hadd se guzar gaye,
Chaha tumhe to pyaar ki hadd say guzar gaye.

Likhi gayee naseeb mein kuch aisi hijratein,
Har ajnabi dayre ki hadd se guzar gaye.

Jagi hai apne dil mein gulabon ki aarzoo,
Jab mousam-e-bahar ki hadd se guzar gaye.

Ab zakhm hai dil ka kahan tak shumar ho,
Yeh zakhm to shumar ki hadd se guzar gaye.

Teri nigah-e-mast se hum itna pee gaye,
Itni ki har khumar ki hadd say guzar gaye.

Ehsaas mar Chuka hai khushi hai na gam koi,
Jaise ke jeet haar ki hadd say guzar gaye.

Hasrat say mouj-e-gam bhi hame dekhti rahin,
Hum behr-e-bar kinaar ki hadd say guzar gaye.

Aati hai saaf saaf nazar gam ki manzilein,
Yeh kafile gubaar ki hadd say guzar gaye.

Woh log roz-e-qayam se kya darein,
Jo terey intezaar ki hadd se guzar gaye...!!!