Bharosa toot jane se zara pehle bata dena
mujhe tum azmane se zara pehle bata dena
kisi hilay bahane se zara pehle bata dena
kay mujh ko tum bhulane se zara pehle bata dena
zehen ki rait pe tum ne mohabbat se likhi thi jo
wo tehreerein mitane se zara pehle bata dena
mere dilbar k is dil par main rakh lon zabt ka pathar
suno ... daman churane se zara pehle bata dena
kisi bhi mor pe humdum bura pao agar mujh ko
zamane ko batane se zara pehle bata dena