MeraForum Community.No 1 Pakistani Forum Community - Us Ko Juda Huay Zamana Bohot Hua....!!

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - Us Ko Juda Huay Zamana Bohot Hua....!! (http://www.MeraForum.Com/showthread.php?t=22086)

Us Ko Juda Huay Zamana Bohot Hua....!!

us ko juda hue bhi zamana bahut hua
ab kya kahen ye qissa purana bahut hua

dhalti na thi kisi bhi jatan se shab-e-firaq
ai marg-e-nagahan tera ana bahut hua

ham khuld se nikal to gaye hain par ai khuda
itne se vaqaye ka fasana bahut hua

ab ham hain aur sare zamane ki dushmani
us se zara rabt barhana bahut hua

ab kyon na zindagi pe muhabbat ko var den
is ashiqi main jan se jana bahut hua

ab tak to dil ka dil se tarruf na ho saka
mana k us se milna milana bahut hua

kya kya na ham kharab hue hain magar ye dil
ai yad-e-yar tera thikana bahut hua

kahta tha nasehon se mere munh na aio
phir kya tha ek hu ka bahana bahut hua

lo phir tere labon pe usi bevafa ka zikr
ahmad 'Faraz' tujh se kaha na bahut hua

Re: Us Ko Juda Huay Zamana Bohot Hua....!!

niceeeeeeeeee tfsss...........

Re: Us Ko Juda Huay Zamana Bohot Hua....!!