MeraForum Community.No 1 Pakistani Forum Community

انوکھي وضع ہے، سارے زمانے سے نرالے ہيں
يہ عاشق کون سي بستي کے يارب رہنے والے ہيں

علاج درد ميں بھي درد کي لذت پہ مرتا ہوں
جو تھے چھالوں ميں کانٹے ، نوک سوزن سے نکالے ہيں

پھلا پھولا رہے يا رب چمن ميري اميدوں کا
جگر کا خون دے دے کر يہ بوتے ميں نےپالے ہيں

رلاتي ہے مجھے راتوں کو خاموشي ستاروں کي
نرالا عشق ہے ميرا، نرالے ميرے نالے ہيں

نہ پوچھو مجھ سے لذت خانماں برباد رہنے کي
نشيمن سيکڑوں ميں نے بنا کر پھونک ڈالے ہيں

نہيں بيگانگي اچھي رفيق راہ منزل سے
ٹھر جا اے شرر، ہم بھي تو آخر مٹنے والے ہيں

اميد �xور نے سب کچھ سکھا رکھا ہے واعظ کو
يہ �xضرت ديکھنے ميں سيدھے سادے بھولے بھالے ہيں

مرے اشعار اے اقبال١ کيوں پيارے نہ ہون مجھ کو
مرے ٹوٹے ہوئے دل کے يہ درد انگيز نالے ہيں
__________________