Hai tammana k saal-e- nou tujh ko
Har musarrat se hum kinaar karey

Khil uthain phool tere aangan mein
Tu agar khwahish-e-bahaar karey

Muskurahat laboun pe ho raqsa'n
Sara aalam tujh hi se pyar karey

Tujh se har ranj door hojaye
Har khushi tujh pe jaan nisaar karey

Tere aanagn mein qaafley utrain
Jhilmilatey huay sitaron k

Ho k be-ikhteyaar uth jayen
Teri janib qadam baharon k

Har nayi subh tere daman mein
Chahaton k gulaab bhar jayen

Har haseen shaam apni raanayi
Tere khwaboun k naam kar jaye

Dekh k tere rukh ki shadaabi
Rang-e-qous-e-qizah nikhar jaye

Muskurati sada hayaat rahey
Tere qadmon mein kainaat rahey

Gham na dil mein kabhi ujagar ho
Shaadmani tera muqaddar ho

Aaney waley dino ki tabani...
Janey waley dino se barh kar ho..