Na dag-magaaye kabhii ham wafaa ke raste main
 

Na dag-magaaye kabhii ham wafaa ke raste main
Charaagh ham ne jalaaye hawaa ke raste main

Kise lagaaye gale aur kahaan kahaan thahere
Hazaar ghunchaa-o-gull hain saba ke raste main

KHUDA kaa naam koii le to chaunk uthte hain
Mile hain ham ko rahbar KHUDA ke raste main

Kahiin salaasil-e-tasbeeh aur kahiin zannaar
Bichhe hain daam bohat mud'aa ke raste main

Abhii wo manzil fikr-o-nazar kahaan aaii
Hai aadmii abhii jurm-o-sazaa ke raste main

Hain aaj bhii wahii daar-o-rasan wahii zindaan
Her ek nigaah-e-ramuuz aashna ke raste main

Ye nafraton kii fasiilain jahaalaton ki hisaar
Na rah sakain ge hamaarii sadaa ke raste main

Mitta sake na koii seel-e-inqalaab jinhain
Wo naqsh chhorre hain ham ne wafaa ke raste main

Zamanaa ek saa 'Jalib' sada nahiin rehtaa
Chalain ge ham bhii kabhii sar uthaa ke raste main

Re: Na dag-magaaye kabhii ham wafaa ke raste main
 

niceeeeee

Re: Na dag-magaaye kabhii ham wafaa ke raste main
 

thank you

Re: Na dag-magaaye kabhii ham wafaa ke raste main
 

NIce .....

Re: Na dag-magaaye kabhii ham wafaa ke raste main
 

Re: Na dag-magaaye kabhii ham wafaa ke raste main
 

very nice...