Hawa Thami Thi zarOor Lekin
wO Shaam Jaisey Sisak Rahi Thi
Keh Zard pattoN Ney AandhiyOn kO
Ajeeb Qissa Suna Diya Thah
Keh Jis kO Sun Kar Tamaam Pattey
Sisak Rahey They Bilak Rahey They
Na Jaaney Kis Sanhey Key Gham mieN
Shajar jarOn Sey Ukhar Rahey They
bOhet Talaasha Tha hUm Ney tUm kO
Har Aik Rasta
Har Aik Waadi
Har Aik Parbat
Har Aik Ghaati
Magar kahieN Sey Khabar Na Aaii
Yeh Keh Key Phir hUm Ney Dil kO Taala
Hawa Thamey Gi tO Daikh lieN Gey
hUm Us Key RastOn kO dhOond lieN Gey
Magar Hamari Yeh KhUsh Khyaali
jO hUm kO Barbad Kar Gaii Thii
Hawa Thamii Thi zarOor Lekin
baRi Hi mUddat gUzar ChUki Thii
Flak Pey Taarey nahieN Rahey They
gUlaab Saarey nahieN Rahey They
wO Jin Sey Basti Thi Dil Ki Basti
wO lOg Saarey nahieN Rahey They
Yeh Almiya Sab Sey Bala-tar Tha
Keh hUm tUmharey nahieN Rahey They
Keh tUm Hamarey nahieN Rahey They
Hawa Thamii Thi zarOor Lekin
baRi Hi mUddat gUzar ChUki