Pagli Sii Deewani Sii Woh
Masoom Sii Anjaani Sii Woh
Mujh Ko Achi Lagti Thi Woh
Mujh Ko Piyari Lagti Thi Woh
Ikk Din Main Bhooley Say Uss Say Pooch Baitha
Mairi Nazmein Parrhti Ho
Mairi Ghazlein Parrhti Ho
Kaisi Hoti Hain Ye
Kya Tumhein Achi Lagti Hain
To Woh Dheerey Say Holey Say Keh Gayi
Achi Hoti Hain
Mujhey Achi Lagti Hain
Per Suno! Ye To Batao
Tum Ye Nazmein, Ghazlein
Kis Ke Liye Likhtey Ho
Main Ussey Kya Jawab Deta
Sochtey Sochtey Thak Gaya Main
Par Jaaney Kyun Khamosh Raha
Dil Ki Baat Uss Say Na Keh Saka
Dil Ki Baat .....!!!