ab bhala chour kay ghar kia kerte
shaam kay waqt safar kia kerte

teri masroofiaten jaante hain
apne aane ki khabar kia kerte

jub sitaare hi nahi mil paaey
le kay hum shams o qamar kia kerte

woh musafir hi khuli dhoop ka tha
saaey phela kay shajar kia kerte

khaak hi awwal o aakhir theri
kar kay zarre ko gohar kia kerte

raaey pehle se bana li too ne
dil men ab hum tere ghar kia kerte

ishq ne saare saleeqe bakshe
husun se kasb e hunar kia kerte