meri hayat pe sarey azaab uskey hain

hai nind meri magar sarey khwab uskey hain

jahan rahu mai panahon mei uski rehta hu

zameen, falak, aftaab uskey hain

wo kuch na deney per nadam hai aj tak mujh se

mai khush hu mujh pe karam be hisaab uske hain

jo bach gaye unhein nisbat nahin koi us se

jo lutt gaye hain wo khana kharab uskey hain

hai shakh shakh mei shaamil agarchey khuu.n mera

tamar khaar hain mere , ghulaab uskey hain