Apni AankhOun k DarEcHe Mein chupa le mujh ko
tu maseeha hai bikherne se bacha le mujh ko

Tere aariz pe khile hain kayi khush rang gulaab
main bhi ik zakhm hoon chehre pe saja le mujh ko

Apna saya bhi yahan saath nahin deta hai
hijer k dasht se ab kon nikaale mujh ko

Haath ko haath sujhaayi nahin deta hai yahan
in andheron main bhala kon sambhale mujh ko

Meri aankhon main tera aks hai daaem abaad
too bhi khushboo ki terah dil main basa le mujh ko

kuch shikayat hai ager tujh se tou bas itni hai
kerdia too ne bhi duniya k hawale mujh ko