sar hi ab phoriey nidamat men
neend ane lagi hai forqat men

hen daleelen tere khalaf magar
sochta hun teri himayat men

ruh ne ishq ka fareb dia
jisim ka jisim ki adawat men

ab fakat adaton ki warzish hai
ruh shamil nahin shikayat men

ishq ko darmian na lao kay men
cheekhta hun badan ki esrat men

yeh kuch asan toh nahin hai kay hum
ruthte ab bhi hen morawat men

who joh tamer hone wali thi
lug gae aag os emarat men

apne hojre ka kia bayan kay yahan
khoon thuka gaya shararat men

who khala hai kay sochta hun men
os se kia guftugu ho khilwat men

zindage kis tarah basar hogi
dil nahin lug raha mohabat men