MeraForum Community.No 1 Pakistani Forum Community

MeraForum Community.No 1 Pakistani Forum Community (http://www.MeraForum.Com/index.php)
-   Funny Poetry (http://www.MeraForum.Com/forumdisplay.php?f=43)
-   -   ghar damad (http://www.MeraForum.Com/showthread.php?t=5100)

Maharani 12-17-2008 09:09 PM

ghar damad
 
bezaar ho gaye the jo shayar hayaat se
cricket ka match khel liya shayaraat se

waaqif na the jo dosto'n aurat ki zaat se
chauke laga rahe the khayalo'n mein raat se

aayi jo subah shaam ke naqshe bigad gaye
aur surro'n se hum ghareebo'n ke stump ukhad gaye

naaz-o-ada-o-husn ne jadoo jaga diye
pehle to opener ke hi chhakke chuda diye

one down per jo aaye to stump uda diye
are! Raah-e-faraar ke bhi to raste bhula diye

go catch very low tha magar bedhadak liya
ek mohtaram ko ek ne gali mein lapak liya

kya kya bayaan kijiye ek ek ka baankpan
jalwa figan zamee'n pe thi taaro'n ki anjuman

husn-o-shabaab-o-ishq se bharpoor har badan
aur shayar pavellion mein the pehne hue kafan

jitni thi beautiful wo slip per gali mein thi
jitni thi over age wo sab boundary pe thi

pariyo'n ke jis tarah se pare koh-e-kaaf per
ek long-on per thi to ek long-off per

ek thi cover mein ek haseena mid-off per
jo short pitch thi geind wo aati thi naaf per

thehre na wo creeze per jo the bade bade
aur mujh jaise teem -taam to wicketo'n pe phat pade

wo laal geind phool ho jaise gulab ka
jis tarah dast-e-naaz mein saghar sharaab ka

saayaa hawa mein naachta tha aaftaab ka
bouncer mein sara zor tha husn-o-shabaab ka

aise bhi apne ishq ka maidaa'n banaate the
umpire her appeal pe ungli uthate the

jab ball phenkti thi wo gesu sanwaar ke
nazdeek aur hote the haalaat haar ke

aur kehte the match dekhne wale pukaar ke
ustaad ja rahe hain shab-e-gham guzaar ke

ustaad keh rahe the ke phitkaar match per
do-do jhapat rahi hain shareefo'n ke catch per

Nida-H 12-17-2008 09:32 PM

Nice.. :D

A L i 12-18-2008 12:22 AM

very NiCe :p

safa 12-22-2008 05:03 PM

nice

Hani 01-12-2009 02:05 AM

lolz

SHAYAN 08-31-2009 09:11 PM

Re: ghar damad
 
Nyx....

Hamzaking 10-25-2009 09:57 AM

Re: ghar damad
 
nice:)

DiE 10-06-2010 12:29 PM

Re: ghar damad
 
v nice

CaReLeSs 08-24-2011 05:00 PM

Re: ghar damad
 
Heheheh
NIce Sharing,,,


All times are GMT +5. The time now is 11:36 PM.

Powered by vBulletin®
Copyright ©2000 - 2025, Jelsoft Enterprises Ltd.