Dareechay Se Jhankti Vo Larki Ajeeb Dukh Se Bhari Hui Hay
K Uss k Aangan Mein Phool Par Ik Neeli Titli Mari Hui Hay

Kabhi Azanoo Mein Khoyi Khoyi,Kabhi Namazoo Mein Royi Royi
Vo Aisy Dunya Ko Dekhti Hay k Jaisy Iss Se Dari Hui Hay

Darood Se Mehki Mehki Saansein,Wazifa Parhti Uss Ki Aankhein
K Ik Shamma-e-Umeed Un Mein Kayi Baras Se Dhari Hui Hay

Vo Dukh Ki Chadar Mein Lipti Lipti Vo Kalay Kaproon Mein Simti Simti
Muhabbat Uss Ne Kisi Se Shayad,Meri Tarah Hi Kari Hui Hay

Baray Zamanoon k Bad Barsi Hay Meri Aankhein Kisi Ki Khatir
Baray Zamanoon k Bad Dil Ki Zameen Phir Se Hari Hui Hay...!!!