-:||:- Samandaron Ki Taraf Hoon Na Saahilon Ki Taraf -:||:-

Samandaron ki taraf hoon na saahilon ki taraf
Mein beh raha hoon ….. apni manzilon ki taraf

Jinhein ujaar gaye shab ki hijraton k dukh
Kabhi to dekh lahoo rung titliyon ki taraf

Hujoom-e-sheher kahaan raas hai tujhay a dil
K lay gaya hai junoon tujh ko wehshaton ki taraf

Mujhay makaan say apnay hi khouf aata hai
Guzer rahay hein shab-o-roz doston ki taraf

Kaha tha us nay mohabbat say tum meray ho
Uthaa k phaink diya phir tamaazaton ki taraf

Churaa k jaan jo bethoon to zindagaani kiun
Dhakail dayti hai phir say zarooraton ki taraf

Teray firaaq mein galiyaan ugal rahi hein dukh
Palat k dekh talab-gaar raaston ki taraf

Mera mizaaj ….. ager hai bhi aajizaana to kya
K nisbatein bhi rahi hein qalandaron ki taraf.