MeraForum Community.No 1 Pakistani Forum Community

Barish ki ye pehli boondain
kesa jadU karti hain
dil say khoon kay qatray lay kar
meri aankhin bharti hain
barish kay is deebachay say
kitnay manzer khiltay hain
khwaab sa aalam, lahja mudham,
aankhin num num,bheega mousam,
pehli barish ,pehli khwahish,
pehla jazba,pehla waada,
pehli kushboo, pehla aansoo
chup chup rehna
sooch main perna
jo bhi kahna teshnah kahna
tota fiqra , aadha jumla
jalti sansain, thandi aahain
boojhal pulkain, saahir aankhin
dhani joora,sabz dopatta
laaambay geesu , qatil khushboo
aik peher main,
aik jug beeta
donoo kay dil zoor say dharkay
bijli chamki ,badal gerja
der kay mujh say lipat gayee tum
main nay tum ko zoor say thama
wasl ki is pehli barish main
kia kuch khoya, kia kuch pa ya
barish ki yea pehli boondain
kesa jadu karti hain
dil say khoon say qatray lay kar
meri aankhin bharti hain
barish kay is deebachay say
kitnay munzer khiltay hain.. !