Wo dil kahaan say laaoon jo tujhay kahay alvida maah-e-siyaam
Rab-e-qudooS hi to sirf jaanta hai asal mein tera muqaam

Sabr-o-raza k qareenay tujh say hi sikhaaye gaye
Teri tauqeer-o-hurmat say to munsalik nahi koi ibhaam

Ajar bhi berhta hai teri her adaa hai adaa-e-naaz
Or phir kahaan milay ga teray jaisa mujhay inaam

Muattar hai teri saans mushk-e-tahoor say
Allah Allah halat-e-roza mein mayassar jisay sujood-o-qayaam

Usay husn-o-jamaal ki taab kahaan bashar mein ShihaaB
Fazl-e-rabbi say mumkin hua khushiyon ka nuzool-o-ehtaymaam

Alvida, alvida alvida a tohfa-e-rab-e-maah-e-siyaam
Bashaarat-e-bahisht ka mumkin hua mominon ko payghaam