MeraForum Community.No 1 Pakistani Forum Community - Woh ghazal ki aik kitaab tha, woh gulon main aik gulaab tha

MeraForum Community.No 1 Pakistani Forum Community (http://www.MeraForum.Com/index.php)

- Miscellaneous/Mix Poetry (http://www.MeraForum.Com/forumdisplay.php?f=129)

- - Woh ghazal ki aik kitaab tha, woh gulon main aik gulaab tha (http://www.MeraForum.Com/showthread.php?t=69758)

Woh ghazal ki aik kitaab tha, woh gulon main aik gulaab tha

Hama-waqt ranj-o malal kia, jo guzer gaya so guzer gaya
usay yaad ker ke na dil dukha, jo guzer gaya so guzer gaya

Na gila kia, na khafa huye, yunhi raastay main juda huye
na tu be-wafa, na main be-wafa, jo guzer gaya so guzer gaya

Woh ghazal ki aik kitaab tha, woh gulon main aik gulaab tha
zara dair ka koi khuab tha, jo guzer gaya so guzer gaya

Mujhe pat-jharon ki kahaniyan , na suna suna ke udaas ker
tu khizan ka phool hai muskura, jo guzer gaya so guzer gaya

Woh udas dhoop samait ker, kahin wadion main uter chuka
usay ab na day mere dil sada, jo guzer gaya so guzer gaya

Yeh safar bhi kitna taweel hai, yahan waqt bhi kitna qalil hai
kahan laut ker koi aaye ga, jo guzer gaya so guzer gaya

Woh wafayain thi ke jafayain thin, yeh na soch kis ki khatayain thin
woh tera hai us ko galay laga, jo guzer gaya so guzer gaya

Tujhe aitbaar-o yaqeen nahi, nahi dunya itni buri nahi
na malal ker mere saath aa, jo guzer gaya so guzer gaya...

Re: Woh ghazal ki aik kitaab tha, woh gulon main aik gulaab tha

Very gud rose keep it up

Re: Woh ghazal ki aik kitaab tha, woh gulon main aik gulaab tha