MeraForum Community.No 1 Pakistani Forum Community - پانی بَھَرن پنہاریاں

پانی بَھَرن پنہاریاں

پانی بَھَرن پنہاریاں، تے ونو ون گھڑے
بھریا اوس دا جانئے، جس دا توڑ چڑھے
اوہوا لج چرکلی، اوہوا کُھوہ دا گھیر
اِک بھنّے اِک بھر لئے، ایہہ لیکھاں دا پھیر
لیکھاں دی سبھ کھیڈ ہے، جدوں ایہہ دیندے ہار
لکھاں سُگھڑ سیانیاں بھنن ادھ وِچکار
بگھنے گھٹ گھٹ بنھیاں تے نویں لیائیاں لج
جس دا بھجنا لکھیا، اوس دا جاندا بَھج
اس دی ڈھاک اَج سکھنی، جس نے بَھریا کل
اَج اوہ مورکھ بن گئی، کل جس نوں سی ول
تکیاں مان کریندیاں اساں گھاگے ہتھ پھڑے
پانی بَھَرن پنہاریاں، تے ونو ون گھڑے

شریف کنجاہی