MeraForum Community.No 1 Pakistani Forum Community - Na hua Naseeb Qaraar-e-Jaan,Hawas-e-Qaraar b ab Nahe

Na hua naseeb qaraar-e-jaan, hawas-e-qaraar bhi ab nahe
Tera intezaar bohat kiya, Tera intezaar bhi ab nahe

Tujhay kya khabar mah-o-saal nay hamaien kaisay zakham diye yahaan
Teri yaadgaar thi ek khalish, Teri yaadgaar bhi ab nahe

Na gilay rahay na gumaan rahay, na guzaarishien hain na guftagu
Wo nishaat-e-wa’da-e-wasl kya, hamien aitbaar bhi ab nahe

Kisay nazar dain dil-o-jaan baham keh nahe wo kakul-e-Kham ba kham
Kisay har nafas ka hisaab dain keh shameem-e-yaar bhi ab nahe

Wo hujoom-e-dil zadgaan keh tha, tujhya muzhda ho ke bikhar gaya
Teray aastaanay ki khair ho, sar-e-reh ghubaar bhi ab nahe

Wo jo apni jaan se guzar gaye, unhien kya khabar hay ke sheher main
Kisi jaan nisaar ka ziker kya, koi sogawaar bhi ab nahe

Nahe ab tau ahl-e-junoon main bhi, wo jo shoq shehr main aam tha
Wo jo rang tha kabhi ku ba ku, sar-e-ku-e-yaar bhi ab nahe

John Elia

نہ ہوا نصیب قرارِ جاں، ہوسِ قرار بھی اب نہیں
ترا انتظار بہت کیا، ترا انتظار بھی اب نہیں

تجھے کیا خبر مہ و سال نے ہمیں کیسے زخم دیئے یہاں
تری یادگار تھی اک خلش، تری یادگار بھی اب نہیں

نہ گلے رہے نہ گماں رہے، نہ گزارشیں ہیں نہ گفتگو
وہ نشاطِ وعدہء وصل کیا، ہمیں اعتبار بھی اب نہیں

کسے نذر دیں دل و جاں بہم کہ نہیں وہ کاکُلِ خم بہ خم
کِسے ہر نفس کا حساب دیں کہ شمیمِ یار بھی اب نہیں

وہ ہجومِ دل زدگاں کہ تھا، تجھے مژدہ ہو کہ بکھر گیا
ترے آستانے کی خیر ہو، سرِ رہ غبار بھی اب نہیں

وہ جو اپنی جاں سے گزر گئے، انہیں کیا خبر ہے کہ شہر میں
کسی جاں نثار کا ذکر کیا، کوئی سوگوار بھی اب نہیں

نہیں اب تو اہلِ جنوں میں بھی، وہ جو شوق شہر میں عام تھا
وہ جو رنگ تھا کبھی کو بہ کو، سرِ کوئے یار بھی اب نہیں

جون ایلیا