mere qaatil, mere dildaar,
 

mere qaatil, mere dildaar, mere paas raho
jis ghaRii raat chale
aasmaanoN kaa lahuu pii kar siyaah raat chale
marham-e-mushk liye nashtar-e-almaas chale
bain kartii hu’ii, haNstii hu’ii, gaatii nikle
dard ke kaasnii paazeb bajaatii nikle
jis ghaRii siinoN meN Duubte hu’e dil
aastiinoN meN nihaaN haathoN kii rah takne lagiiN


aas liye
aur bachchoN ke bilakhne kii tarah qul-qul-e-mai
bahr-e-naasuudgii machle to manaaye na mane
jab ko’ii baat banaaye na bane
jab na ko’ii baat chale
jis ghaRii raat chale
jis ghaRii maatamii, sun-saan, siyaah raat chale
paas raho
mere qaatil, mere dildaar, mere paas raho

Re: mere qaatil, mere dildaar,
 

niceeeee:goodpost:

Re: mere qaatil, mere dildaar,
 

thanks

Re: mere qaatil, mere dildaar,
 

Re: mere qaatil, mere dildaar,
 

thanks