[Owi]

-:||:- Wafa Say Raabta Rakhna -:||:-

-:||:- Main Gumaan Nahi Main Yaqeen Hoon -:||:-

Meray muntazir
Mujhay hai khaber
Tu hai muztarib
Tu hai muzmahil
Na ho bad-gumaan na khayaal ker
Sabhi waswason ko nikaal ker
Tu yaqeen ker meri zaat ka
Tu yaqeen ker meri baat ka
Meray moataber
Meray mohtaram
Main bas tera hi hoon meray sanam
Zara muskura na ker aankh num
Main gumaan nahi main yaqeen hoon
Teri dherkanon ka makeen hoon
Teri raahaton ka ameen hoon

Meray hum-nafas
Meray chaara-ger
Na ho muztarib
Na ho muzmahil
Tu yaqeen rakh
Tu yaqeen rakh … !

 

---

•||•––––•||•––•Owi•––•||•––––•||•