[!«╬Ĵamil Malik╬«!]

Dard se geet nikharay hain tumhain kiya maaloom
Hum ne yun dard sanwaaray hain tumhain kiya maaloom


Tum tau kehtay thay k yeh hijr k din thorray hain
Hum ne kaisay yeh guzaray hain tumhain kiya maaloom


Tum ne kaati hi kahan hai shab-e-hijraan humdum
Ab yeh aansu ya sharaaray hain tumhain kiya maaloom


Chand lamhay jo tumhain yaad nahin hon gay magar
Woh humain jaan se piyaray hain tumhain kiya maaloom


Kiss tarah tum humain jeetay ho khabar hai tum ko?
Kiss tarah hum tumhain haaray hain tumhain kiya maaloom


Hum ne yeh umar guzaari hai issi wehshat mein
Hum gham-e-hijr k maaray hain tumhain kiya maaloom...