[ShArArTi MuNdA]

Kyun Ho Khaamosh Kuchh Bataao Na
Iss Tarah Mujhko Ab Sataao Na

Dekho Kitna Haseen Mausam Hai
In Nazaaron Pe Muskuraao Na

Har Ghadi Jiski Hai Nazar Tum Per
Ek Nazar Usspe Tum Giraao Na

Bair-O-Nafrat Se Kuchh Nahi Haasil
Daagh Dil Ke Sabhi Mitaao Na

Jaan Deta Hoon, Tum Pe Marta Hoon
Baar-E-Ha Mujhko Aazmaao Na

Baant Lo Mujhse Meri Tanhaai
Do Ghadi Mujhpe Bhi Lutaao Na

Waqt Aakhir Hai Dum Nikalta Hai
Apni Aankhon Se Kuchh Pilaao Na

Ek Musafir Se Pyar Kya Karna
Khwab merey bhi Tum Sajaao Na