[Miss Habib]

Koi haar gaya koi jeet gaya
Ye saal bhi akhir beet gaya
Kabhi sapne sajaye ankhon mein
Kabhi beet gaye pal baton mein
Kuch talkh se lamhat bhi the
Kuch hadse or sadmat bhi the
Kuch be-rukhi, kuch be-chaini
Kuch mann mein simti veerani
Kuch lamhe the yadgar bohat
Kuch lamhon ko barbad kia
Per ab k baras aey Dost meray
Mujhe Rab se dua ye mangne do
Koi pal na tera udas guzray
koi rog na tujhe raas guzray
Tu phoolon ki tarah khila kare
Koi shakhs na tujhse gilla kare
Tu khush rahe, abad rahe
Tera khuwab nagar abad rahe
Tu jo chahe ho jaye
Tu jo mange mil jaye
Teri maaf wo har ik khata kare
Tujhe aise hi Rab ata kare

 

---

[SIGPIC][/SIGPIC]