[Miss Habib]

Ye jo zindagi ki bisaat hai
Kabhi jeet hai kabhi maat hai
Ye jo Rang-o-Noor ka mail hai
Ye jo Maut-o-Zeest ka khail hai
Ye jo raat din ka tazad hai
Ye jo Behar-o-Barr ka malap hai
Ye aasman, ye dhanak jo hai
Ye saibaan sa falak jo hai
Ye daleel hai Aqal-o-Sha’oor ki
K ye kirnein hain ik noor ki
Wo jo shah’rag se qareeb hai
Wohi “Zaat” sab se azeem hai
Jo tu kar sake to talash kar
Wo to tere dil mein muqeem hai