[life]

حضور صلی اللہ علیہ وآلہ وسلم کے یوم میلاد کو اس عزم کے ساتھ منائیں کہ ہم دینِ حق کی جو شمع اس سہانی گھڑی میں فروزاں کی گئی تھی اس سے اپنی تاریک دنیا کو بھی منور کریں گے ۔ ظلم ، جہالت اور گمراہی کا اندھیرا جہاں جہاں خیمہ زن ہے ، اس کا قلع قمع کر دیں گے۔ آج کی مادیت گزیدہ انسانیت کو اسلام کے تریاق کی اشد ضرورت ہے۔ لیکن یہ اس وقت تک ممکن نہیں ہے جب تک پاکستان اسلامی تعلیمات سے بہرہ ور ہو کر اخلاقی بلندی ، رُوحانی بالیدگی ، اور معاشی خوشحالی کا مُرقّع زیبا نہ بن جائے ۔