gul teraa rang churaa laaye hai.n gul_zaaro.n me.n
jal rahaa huu.N bharii barasaat kii bauchhaaro.n me.n
mujh se kataraa ke nikal jaa magar ai jaan-e-hayaa
dil kii lau dekh rahaa huu.N tere ruKhasaaro.n me.n
husn-e-begaanaa-e-ehasaas-e-jamaal achchhaa hai
Gunche khilate hai.n to bik jaate hai.n baazaaro.n me.n
zikr karate hai.n teraa mujh se baa_unavaan-e-jafaa
chaaraagar phuul piro laaye hai.n talvaaro.n me.n
zaKhm chhup sakate hai.n lekin mujhe fan kii saugaundh
Gam kii daulat bhii hai shaamil mere shaahakaaro.n me.n
mujh ko nafarat se nahii.n pyaar se masluub karo
mai.n to shaamil huu.N mohabbat ke gunaah_gaaro.n me.n
**** AHMED NADEEM QASMI ****
[SIGPIC][/SIGPIC]
I wIsh I hAd n0t FaLl3n in l0vE wItH u
FoR th3 MiSeRy of loV3 is mOre
then the plEasUre of It
the PaIn ,,, the Pain
aLwaYs Pain ThaT's L0v3