[waheed ahmed]

kiaa kahouN ke kiaa likhtaa houN
kis ke naam likhtaa houN
tenhaayii maiN ju guzertii he haalt-e-zaar
ye ju dill he kabhii toot.taa he
kabhii jurtaa he kayee baar
wohi ayyaam likhtaa houN
ya youN kahye ke
maktoob-e-az-siraam likhtaa houN
ya khoud apne hi dil ke ba naam
kisi teht-e-shaoor ka pegham likhtaa houN

kiaa kahouN ke kiaa likhtaa houN
raaz-e-dill tishnaa-o-kaam likhtaa houN
maiN reh ke khoud peeche
aagay ka kalaam likhtaa houN
ya youN samjho ke hal-e-dil
youNhi sir-e-baam likhta houN
tum kyouN samjhti ho jaanaaN
ke tumhaare naam likhtaa houN
kabhii subh-he-khoosh gaahe ilhaam likhtaa houN
kabhii shaam-e-be-nawaa-e-derd-o-aalaam likhta houN
tu kabhii isay derd se khaali jaam likhtaa houN
tum kyouN samjhti ho tumhaare naam likhta houN
youN tu apnii Oqaat maiN rehta houN
Ishq ko gaahe bagaahe baraye naam likhtaa houN
Muhabbat ko jusatjoo likhtaa houN
Nafrat ko haraam likhtaa houN
kabhii apnii shaoor-e-zaat ko
manzil pe gaam likhtaa houN
kabhi kuch lafz
batoar-e-dushnaam likhtaa houN
kisi ko umr-e-khayyaam likhtaa houN
kisi ko be payaaN khas-o-aam likhtaa houN

Aap Muhammad(s.a.w.a.w) ko
khatm-ul-anbyaa-e-ikraam likhtaa houN
aap ki zaat-e-kamila ko tamaam likhta houN
khood ko aap kaa adna sa ghulaam likhtaa houN
aur
Muhabbat ko Muhabbat likta houN
Mager jab bhi likhtaa houN
na tamaam likhtaa houN

dt. March 2012

 

---

Last edited by waheed ahmed; 10-10-2014 at 06:00 AM..