[waheed ahmed]

Sharf-e-mulaqat bhi nahi koi wadah bhi nahi
Uzr-e-iltifaat pe ab koi aamadah bhi nahi

kia tujhe yaad kerouN tenhaaii aabaad kerouN
derd tu uth.taa he magar itnaa zyadah bhi nahi

Husn-e-be-perwah ko khaa gaii dunyaa ki nazer
rukh se naqab ult de koi itna sadah bhi nahi

shayed koi mera pata poochne wala aa jaaye
daar pe khadaa houN merne ka iradah bhi nahi

youNhi jheel maiN pather phainkta rehta houN waheed
ab merii rooh maiN tere jism ka libadah bhi nahi

 

---

Last edited by waheed ahmed; 10-17-2014 at 03:47 AM..