[ShArArTi MuNdA]

humesha muskura

humesha muskura ke ansoon ko chupaya
gham ko chupaney ka yehi rasta nazar aya

kiss kiss ko batatey behtey ashkoon ka sabab
ke dard_e_dil dil mein kiss ne jagaya

mehfiloon mein kahin be maza na raha
rakha dil pe pathar toh khud ko sajaya

baat bey baat apni ahein daba kar
yaroon ke darmiyan kiss qadar muskuraya

na thi chaah kabi mujhe mankashi ki
jaam_e_wafa kissi bewafa ne pilaya

kya muqadar se shikwa kartey rahein
jo qismat mein tha wohi kuch toh paya

ye kiss mor pe aa gayi hein umeedein
ke saya_e_manzil nazar na aya

apnoon ne palat ke dekha tak nhin
ghairoon ne aa kar galey se lagaya

acha houa ke raaz khul hi gaya
dil_e_nadaan pe khanjar kiss ne chalaya

shab_o_roz chahat ka sila ye hai
dil ke tukrey houey wo chunney na aya!