Yaadon Ko Apne Dil Se Mitta Kyon Nahi Detay,
Jo Jaa Chuka Hai Us Ko Bhula Kyon Nahi Detay..
Mujrim Hoon Main Tera Mujhay Itna To Bata,
Khamosh Kharay Ho Saza Kyon Nahi Detay..
Kayi Ghar Nahi Bastay Hain Jin Ki wajah Say,
Un Adhjali Rasmon Ko Jala Kyon Nahi Detay..
Us Ne Tumhari Khaatir Kiya Kiya Nahi Kiya,
Tum Us Ki Wafaaon Ka Sila Kyon Nahi Detay..
Tumhein Mujh Se Mohabbat Hai Jaanta Hoon Main,
Ye Baat Apne Lab Se Bata Kyon Nahi Detay..
Wo Aag Jo Dil Mein Lagaai Thi Kabhi Tum Ne,
Wo Aag Aaj Khud Hee Bujha Kyon Nahi Detay..
Ek Arsa Howa Chain Se Soye Huway,
Mera Chain Meri Neend Lauta Kyon Nahi Detay..........