[~*Gillanii]

Bhala Kia Parh Lia Hai Apne Hathon Ki Lakeeron Main
Kay Iski Bakshish K Itnay Churchey Hain Faqeeron Main

Koi Sooruj Se Seekhey, Adul Kia Hai, Haq Rasi Kia Hai
Kay Yaksan Dhoop Bant Ta Hai SagheerO'n Main KabeerO'n Main

Abhi GhairO'n K Dukh Pur Bheegna Bhooli Nahin Ankhei'n
Abhi Kuch Roshni Baki Ha logo'n K ZameerO'n Main

Na Wo Hota, Na Main Ik Shakhs Ko Dil Se Laga Rakhta
Main Dushman Ko Bhi Ginta Hoon Mohabbat K SafeerO'n Main

Sabeelay'n Jis Ne Apne Khoon Ki, Har SoO Lagai Ho'n
Main Sirf Aisay Ghani Ka Naam Likhta Hoon AmeerO'n Mian

Badan Azaad Hain, Ander Magar Zanjeer Bajti Hai
Kay Main Mukhtar Ho Kur Bhi Gina Jaun AseerO'n Main ....